Grwp Llywio Amgylchedd Cymru

Rôl Grwp Llywio Amgylchedd Cymru yw penderfynu cyfeiriad, polisïau a blaenoriaethau'r fenter. Hysbysir ei waith gan holl agweddon weithgareddau Amgylchedd Cymru a thrwy'r wybodaeth o'r cyd-destun eangach y mae'r fenter yn gweithio o'i fewn

Yn arbennig, mae aelodau'r Grwp Llywio yn gyfrifol am:

• Adnabod ardaloedd o bryder neu ddiddordeb lle y gall gweithgaredd gan y bartneriaeth gynhyrchi buddion i'r amgylchedd, cymunedau lleol neu'r sector wirfoddol eangach;
• Datblygu polisi a chyfarwyddo datblygiad gweithredol y fenter i gwrdd â nodau amgylcheddol a datblygiad cynaliadwy;
• Sicrhau bod cyllid grant yn cael ei ddosbarthu gyda thryloywder a thegwch a delio gydag unrhyw achosion o grwpyn;
• Gwerthuso gwaith y fenter i sicrhau ei fod yn cadw'n berthnasol i'w amcanion ac i waith ei bartneriaid, y sector amgylcheddol eangach a Llywodraeth Cynulliad Cymru. 

Mae tasgau eraill yn cynnwys:

• Ffurfio cynllun strategaethol tair blynedd y fenter;
• Adolygu a diweddaru'r cynllun gwaith blynyddol yn seiliedig ar y cynllun strategaethol;
• Monitro datblygiad y fenter yn erbyn targedau blynyddol;
• Cynghori'r partner gweinyddol ar systemau a gweithdrefnau;
• Cydlynu'r hyrwyddiad o'r fenter i gynulleidfaoedd allweddol.

Mae'r Grwp Llywio yn cyfarfod o leiaf tair gwaith y flwyddyn i drafod y cyfeiriad cyffredinol, strategaeth a chynnydd Amgylchedd Cymru.